【經濟下行】林一鳴︰農曆年後現倒閉潮 半年內失業率飆至6-8%
蘋果日報 2019/12/17 19:31
失業率
香港失業率再升，尤其餐飲業失業率飆升至6.2%。
香港9月至11月失業率再升，達3.2%，尤其餐飲業失業率飆升至6.2%，為8年新高。資深投資者林一鳴直言，目前還未到最差情況，他估計農曆年過後將現倒閉潮，失業率有機會半年內升至6至8%的惡劣情況。
「方向就會繼續下跌，尤其飲食、旅遊、零售業，通常農曆年後就比較多執笠，中國人好好醜醜點都好頭好尾，捱埋最尾嗰轉，所以過完年後失業率會進一步惡化。」他認為環境變差主要受持續示威活動影響，特別是過往依賴大陸旅客的生意，估計受影響的情況將會以年來計算，「未來一年國內人和外國人都會減少來港，無論旅遊、工幹，甚至開分公司都會驟減，或者地鐵、店舖唔再提早關門，先會有好轉。」他認為失業率在明年將急速惡化，2020年起碼下半年才會有好轉跡象。
近期大型示威活動減少，暴力場面都似有緩和情況，市面本地消費有漸見起色，但林一鳴覺得本地消費谷得起，都不會救得到整體就業市場，始終飲食及零售業過去都一直依靠旅客生意，並且聘有大量中低收入階層的打工仔，因此這次持續的示威無可避免將影響失業率再飆升。
「這次失業率都幾集中係中低階層人士，相關行業會大量倒閉，但影響不到高收入一群，所以對樓市影響都比較小，當然租金影響就比較大，令租金有下跌壓力，會跌多兩成。」他預料香港明年失業率雖惡化，但樓市將平穩發展。
記者 鍾耀恆