容祖兒去年同劉浩龍（師兄）爆出「祖師戀」，今年係佢兩個拍拖後首個情人節，祖兒同師兄又點樣慶祝呢？今日凌晨三點左右，祖兒於微博放黑白照，祖兒除了用英文留言：「Loveisallaround!happyValentine'sday﹗」又擺咗個「金魚嘴」表情，隔空同師兄「咀嘴」傳情，認真Sweet；不過師兄個微博就未有更新。老老實實，祖兒對「金魚嘴」呢個表情「嘴上癮」，經常喺微博上載呢款「金魚嘴」相。

咁祖兒過氣密友何韻詩情人節又點過呢？原來阿詩噚日已經同佢班「賈寶玉」團隊去咗新加坡，佢留言話：「『賈寶玉』香港隊先到步新加坡，向大家拜個年，祝各位年年有玉。」到今日阿詩上載一碗喇沙相。