「香港欄后」呂麗瑤前日凌晨在facebook公開經歷，稱十年前被中學課外活動的教練性侵犯，她稱公開事件，是希望喚起公眾關注兒童性侵犯，鼓勵其他受害人發聲，事件發展至今不斷發酵。有指呂麗瑤拒與警方合作，涉事教練已經停職，有網民就指事件末審先判。

陶傑昨日亦在fb提到這點，他接受《蘋果》電話訪問時稱：「佢『覺得』係佢自由，我尊重佢『得』，我絕對冇comment，你自己睇啦。有人『覺得』重點喺最後，有人『覺得』第二段，有人『覺得』重點係張相，呢個世界立場自由、言論自由，『覺得』亦係自由，唔好將呢啲『覺得』去侵犯人嘅清白、人權就得喇。呢個係重點，我覺得。」（新聞連結：　 http://bit.ly/2jaWAuW ）

陶傑一番話，又被指「抽水」……

其實雲海噚日喺facebook爆料指，約10年前，商台內有多位女同事被某男高層性騷擾，向高層反映後卻不受理亦冇報警（新聞連結： http://bit.ly/2AhGYz2 ），商台DJ出身嘅森美同日出席品牌活動時，指自己未曾聽過性騷擾事件：「因為喺我個部門（二台），其實大多數都係女人，高層都係女人，就算二台以外，好似都係得一個總經理係男人嚟，對方嘅名聲都幾好，所以自己都好愕然。」（新聞連結： http://bit.ly/2zVdbgI 　）

雲海今日再於FB爆料，稱記者可以向財政司司長政治助理、即前商台新聞及公共事務副總監何翠萍查詢，或向通訊事務局內任職之商台前監製求證，「睇下佢哋入咗政府夠唔夠膽講真話囉！」

雲海又寫道：「我同森美話可能啲人以為我講緊二台啦，我入商台嘅時候做緊一台0架！二台邊有性騷擾啫？！二台只有男高層直接搶咗男下屬嘅老婆咋嘛！分清楚好啲！」

咁，只要Google一下，要估到雲海提及嘅「男高層」疑人身份，其實唔難……係真係一啲都唔難。被指遭搶妻嗰個，都已經另組家庭…

問番森美，佢就話：「呢啲就更加難知啦，男女私下嘅生活…但你話搶呢，就從來都未見過。愛情呢啲嘢，喺現今社會，都冇得監人賴厚，全部都係自由戀愛。」

咁森美驚唔驚雲海越爆越多？佢話唔驚：「事實會越辯越清嘅，當然講唔我，我更加唔驚啦……唔好講到我啦！」

更多娛聞，喺晒《娛果》
http://fb.com/appledailyent