當年今日

花絮

蘋果日報 2002/02/02 00:00


外國傳媒關心阿寶
今屆浮羅交怡多日賽吸引到四十幾位來自歐美嘅傳媒,到大馬採訪整個比賽過程,當中有唔少記者都好關心黃金寶幾時會轉職業呢個問題,佢哋話阿寶已經二十八歲,年紀已經唔細,應該快啲決定,再遲恐怕更難。阿寶幾時轉職業重未知,但喺外國傳媒眼中確有一定地位。

賽車日猶如家庭日
噚日係吉隆坡直轄市的紀念假期,不過,就唔係有太多市民抽空到位處總理府嘅比賽現場觀戰,可能因為比賽地點離市區比較遠有關啦。比賽途中,仍有不少住喺就近的市民一家大細睇車,氣氛算唔錯,重有啲似家庭日。

噴水大風扇冇得彈
昨日比賽時的氣溫平均高達攝氏三十八度,賽會為咗幫嘉賓同傳媒降溫,喺起點同終點嘅帳棚內,都加設咗把有噴水功能的大風扇,當你喺外面睇到身水身汗嘅時候,走近呢把風扇時,感覺就好身似置身喺室內冷氣房裏面咁涼快。