扭蛋公仔係唔少人嘅最愛，但可能由於抽唔齊、全套又賣晒……等種種原因，總會令你留下一隻半隻。「散蛋」亂擺冇乜用係事實，惟有幫佢哋增值，就係將佢哋黏在小瓶子上，幫忙「看守」零食或小雜物，簡單一個小玻璃瓶，在可愛扭蛋公仔點綴下，感覺很有治癒系風味。

材料

製作時間：20分鐘

上色秘技

金屬或電鍍面物件，由於表面光滑會較難於上色；模型用具店有一種Mr. METAL PRIMER的噴油，只要薄薄噴上一層，能加強水性油上色時的附着力。

做法一

1.先在扭蛋公仔底部，點上熱融膠。

2. 將扭蛋公仔置於瓶蓋上，待凝固。

3.將水性油塗於瓶蓋及扭蛋公仔上，大概塗2至3層，遮蓋力更強。

做法二

1.簡單做法，只將水性油塗於金屬瓶蓋之上。

2.顏料乾透後，再將扭蛋公仔黏於瓶蓋上。

肥通點評：

瓶蓋連扭蛋一齊上色，出來的感覺像雕塑，不過如果扭蛋原身已好靚，可以只髹瓶蓋，扭蛋就保留原色；建議揀選粉色系顏色，感覺日系風味更濃，如果情況許可，最好用噴槍做，因為色彩會更均勻。

攝影：伍慶泉

協力示範：RX88 HOBBY（旺角快富街37B地舖）