同一個病，兩種不一樣的心情。剛於上月在蘋果善長的捐助下，成功接受深部腦刺激手術的柏金遜病人吳榮釗，已由昔日的舉步維艱變成今日步履穩健，重拾人生樂趣。但另一邊廂，飽受病魔折磨二十載的孔興，卻仍在苦苦掙扎，期待早日籌足善款，有日可以踏進手術室。

小別吳榮釗短短一個多月，記者日前再到其家中探望他，才知何謂判若兩人。只見阿釗坐在椅上，不僅腰板挺直，四肢亦再沒出現震顫。記者叫他嘗試起身走幾步，他亦能成功做到，甚至不需柺杖借力，與往日步履蹣跚實有天壤之別。
「佢同以前比簡直係兩個人，𠵱家佢每朝自己落去晨運，下晝又可以落街買飯食，以前成日驚佢一個人喺屋企有事，𠵱家我返工都唔使咁掛心。」阿釗的妻子吳太興奮地說。

「以前好似坐監咁」
五年前患上柏金遜症的阿釗，近年已到藥石無靈的地步，惟靠手術才可有望控制病情。蘋果日報慈善基金於本年五月為阿釗作出連串報道，善長紛紛解囊襄助，上月中籌足十六萬元接受手術，在腦內植入兩條電極，利用電流壓抑身軀震顫。
「唔使手震腳震已經好好，以前好似坐監咁，日日坐喺屋企，𠵱家可以自己落吓街，真係有重獲新生嘅感覺。」五十歲的阿釗說。