金像影帝辛潘（SeanPenn）一向做善事不遺餘力，由佢主理嘅「HelpHaitiHome」不知不覺已經搞到第4年，活動係洛杉磯搞咗個海地慈善晚宴，照樣獲得得大班荷李活明星撐場，麗絲蕙絲潘（ReeseWitherspoon）、艾德烈邦迪（AdrienBrody）、賓史迪拿（BenStiller）、莎瑪希恩（SalmaHayek）及拉姑彭美拉安德遜（PamelaAnderson）等等都盛裝赴會。

不過最搶鏡，自然係同辛潘一齊抵達嘅金像影后女友查理絲泰朗（CharlizeTheron），係門外被大班記者圍住影相，可謂艷壓全場，穿起高踭鞋嘅查理絲企係辛潘旁邊明顯高一截，大晒長腿。而查理絲係場內都顯得十分風騷，同啲賓客好似莎瑪希恩同麗絲蕙絲潘等有講有笑，儼如女主人一樣！