【賢仔Call馬】北上享受完寧靜！脾氣馬身心受益（廖浩賢）
蘋果日報 2019/12/20 21:00
北上寧靜廖浩賢賢仔call馬熱血鬥士脾氣馬身心受益
熱血鬥士（左）早前輕勝從化泥地試閘（香港賽馬會）
星期六（21日）沙田十場草地賽事在A加3欄上演，三T有162萬餘元多寶累積，預計一注中有400萬元。
騎師方面，田泰安與梁家俊出馬滿額，雷神九匹，潘頓只有八匹。
練馬師以告東尼出馬最多，共十駒列陣。
個人全日馬膽為東廐「熱血鬥士」，此駒去完從化訓練後感覺耳目一新，近期騎練合作甚佳，有望延續勝纜。
第四場四班1400米，「熱血鬥士」本身跑1400米極準，五戰冠亞季殿各一，最差也只不過輸三馬位，經常在輸蝕形勢下跑得好，證明實力在第四班屬超級，長線應該1600至1800米會更好。
此駒今季已經跑過五場，平均兩至三個星期跑一場，可能搏得太頻密關係。
上仗拼後被安排再往從化小休後重新做工夫，對這匹周身脾氣馬來講，在寧靜環境操練，身心都有莫大幫助。
「熱血鬥士」埋門試閘末段一鬆即好似炮彈般彈甩對手，最後試跑出啱正腳步幅夠勁，相距上仗六個星期，憑新鮮感有望復出即勝。
「深愛」今季三戰谷草所跑途全部都唔啱腳法，重配潘頓重戴綁脷帶，要高度留神。
「凌駕」論款頭肯定係好馬，但三歲仔仍有好多學習空間。
「帶榮來」前仗砌低「得益良多」及「熱血鬥士」贏馬，賽績亦夠說服力。