年僅三歲半的珊珊，比同齡孩子長得嬌小瘦弱，我見猶憐。原來小珊珊近月患感冒久未痊愈，半夜總是咳個不停，引致精神及胃口欠佳；更不幸的是，小妮子臀部長出數粒令她感到疼痛的肉瘤，需及早就醫免耽誤病情。但一家三口生計靠父親譚先生從事剪髮吃力支撐，難有餘錢應急，蘋果日報慈善基金即時撥款濟助。

記者日前登門探訪譚家，珊珊剛午睡醒來，身穿背心短褲、束着兩條辮子的她，以一雙惺忪睡眼好奇地「四圍望」。譚父一面難過地說：「珊珊上個月發咗一場高燒，𠵱家傷風感冒重未好番，食抗生素食到冇晒胃口，又痰多氣弱，晚晚半夜都咳到冇覺好瞓，所以你睇佢幾瘦，瘦到成個人落晒形。」
在旁的譚母感歎，若非患病不適，現正就讀幼稚園低班的女兒會像其他孩子一樣天真活潑，愛吃愛玩，「囡囡最鍾意返學，可惜佢呢排精神好差，生喺屁股仔嗰幾粒嘢又令佢唔舒服，有時坐耐啲都覺得痛。」

「摸吓都嗌痛」
譚母所說的「幾粒嘢」，其實是指一些在身體長出的肉瘤。她憶述：「我以前同珊珊沖涼嗰陣，已經發覺佢身上有粒好似豆咁大嘅嘢；最近摸到多咗幾粒，摸吓都會令珊珊嗌痛，真令人擔心！」
譚母稱，醫生初步證實珊珊臀部所長的是肉瘤，建議她接受詳細身體檢驗，以確定肉瘤類別及所需的適切治療。「最怕嗰幾粒係惡性腫瘤，一旦有癌細胞喺身體蔓延就麻煩。」譚母憂愁地說。