阿仙奴續約雲格兩年，雲爺爺雄心壯志要帶領兵工廠捲土重來，不過到而家都仲未有任何超級收購。盛傳雲爺爺睇中法甲摩納哥嘅基利安麥巴比，又話佢屋企人講到「新亨利」好仰慕雲格咁，不過當兵工廠走去問價，就縮都縮唔切。

據報雲爺爺確係好有誠意羅致18歲嘅麥巴比，不過要摩納哥放人一定唔容易，將麥巴比標價1.3億鎊（約13億港元），一向精打細算嘅雲格聽到之後，條數點都計唔掂，正如佢成日講嘅名言，錢我係有但唔係咁樣使，即係麥巴比又成為阿仙奴險簽喇。

買唔成新亨利，雲格惟有轉移目標，全力斟介里昂嘅前鋒拿卡錫迪。