港交所（388）追潮流拍片推新制！今個夏天港交所連環推出收市競價同「冷靜期」（市場調節機制），華華聽咗咁耐都覺得頭暈，何況一眾散戶投資者？

可能港交所都知道太多資訊，特登拍咗條2分鐘嘅短片，用到「香車美人」，加埋一位驟眼睇好似阿Bob嘅男主角，用揸車遇上路障要慢駛、過咗路障再正常駕駛，去解釋咩叫「冷靜期」機制。

主角同部車夠唔夠吸引就見仁見智，但港交所有心機拍條片去解釋，都可以話誠意可加。以前多數係農曆新年，主席周松崗與行政總裁李小加先至拍條拜年短片，家陣有新片登場都唔錯吖，潮流趨勢亦興睇片吖嘛。

除咗拍片，港交所仲為收市競價、冷靜期兩個新制，設獨立「微網頁」，用好多Infographic介紹制度，但講到底，實戰最重要。

掌握財經生活資訊，即Like「蘋果ATM」fb專頁啦！
http://fb.com/appledailyatm