現年35歲嘅陳冠希又有新女啦!女友秦舒培雖然生得高大，外表成熟，不過原來佢得25歲咋，過埋今年8月就26歲，仲係中國首位全裸模特兒。

據網上資料顯示身高177cm嘅秦舒培，1990年喺上海出世，2008年開始進入model界，2009年被時尚裝雜誌中文版《ELLE》評選為「年度10大新模特兒」，2010年首度登上Models模特兒榜Top50，成為Maybelline紐約全球代言人，2011年6月，簽約華誼兄弟時尚做旗下藝人，之後再簽畀DNA模特兒經理人公司。

秦舒培於2012年11月首次為Victoria'sSecret行騷，上年仲演過喜劇電影《從天兒降》。秦舒培由於外形同崔始源緋聞女友劉雯幾似，又一齊行過騷，當時傳過不和，所以一直有傳佢哋係競爭對手。