新片《無雙》演員孫佳君、張建聲同張松枝，今日去到銅鑼灣街頭，派發銀紙外貌嘅電影換票證。孫佳君表示，首次街頭派「錢」覺得好玩，佢今次於戲中飾演犯罪集團女管家，佢話：「戲中有唔少驚險鏡頭，其中一場戲有一盞水晶燈喺頭頂跌落嚟，跌正喺自己腳前，為求拍攝逼真，要盡量企埋啲，拍之前自己都驚被碎片彈到面。」孫佳君表示，今次能夠同偶像周潤發合作，非常高興。

張松枝同張建聲同樣飾演犯罪集團成員，張松枝話有fans睇完齣戲問佢喺清邁場戲點解冇出現，張建聲笑言：「因為佢戴咗頭套拍攝，我都係，雖然見唔到樣，相信大家以肢體動作知道係我哋。」張松枝話：「我其實係見到百份之30嘅樣，不過留咗鬚同戴超，場戲拍得好辛苦，叫fans睇多次留意吓我。」

精選娛聞，喺晒《娛果》
http://fb.com/appledailyent