個案一 ：「全靠蘋果基金早排幫忙，我太太至夠錢接受『通波仔』心臟手術，唔使擔心血管繼續收縮會有生命危險，所以我哋真係要向大家講多幾句多謝！」七十歲的李伯由衷地說。
難負擔手術費
李伯的六十八歲妻子梁婆婆，亦一面感激地說：「手術好成功，令我有番健康，我都唔知點報答善長嘅大恩大德！」
李伯夫婦退休前分別從事低收入工作，苦無積蓄，晚年惟靠社會福利署發放的傷殘津貼及生果金維生，生活捉襟見肘。梁婆婆月前發現患上心臟血管閉塞，急需接受手術治療，奈何家境清貧的李伯夫婦，無力負擔三萬六千元的手術費用，一度為此憂心不已，後獲蘋果日報慈善基金撥款二萬元，問題終迎刃而解。
記者近日將合共一萬一千四百三十元的讀者捐款轉交李伯簽收，他一再表示謝意：「多謝各位善長！之前我問朋友借咗成萬蚊去應付部分手術開支，自己手頭都好緊，𠵱家收到咁多捐款，我就可以還錢畀人，重有啲錢剩番嚟傍身。」捐款編號：C0407