【師奶殺手】陶大宇創先河 老友Bobby陳豪追貼上

蘋果日報 2017/06/19 00:02

陳豪歐陽震華陶大宇羅嘉良吳啟華師奶殺手
    要講陶大宇，不得不提佢個「師奶殺手」稱號，想當年（其實都係講緊1990年代），大宇憑《壹號皇庭》彈出，大受太太級觀眾歡迎，其後被冠以師奶殺手稱號！呢位師奶殺手鼻祖唔講得笑，無論喺邊間電視台効力，佢嘅地位都不受動搖。
    而同大宇一齊拍《壹號皇庭》嘅歐陽震華（Bobby）其後亦成為另一位師奶殺手，Bobby嘅經典作，手指腳趾加埋都唔夠數，包括《陀槍師姐》、《皇家反千組》、《洗冤錄》、《金裝四大才子》、《施公奇案》，至近年嘅《東坡家事》同《一屋老友記》等，其中《壹號皇庭》》同《陀槍師姐》成個系列都可以見到Bobby身影，其他亦有唔少劇集係添食嘅，足以證明Bobby嘅「收視」勁有保證，亦不負其師奶殺手之名。
    至於已為3子之父嘅陳豪，由大銀幕踩入公仔箱，同樣大受歡迎，獲封師奶殺手，佢喺《妙手仁心II》中飾演心臟科醫生MC，最近半夜都有重播，其後陳豪參演嘅劇集，就算佢未必係擔正嗰個都好，角色都好出，例如《絕世好爸》、《金牌冰人》、《秀才遇著兵》、《金枝慾孽》、《溏心風暴》、《珠光寶氣》等，全部都好有話題。而數到最有話題性嘅，當然要計佢喺《帝女花》中嗰句「同朕check吓…」啦！
    講得《妙手仁心》，點少得「程至美」吳啟華？吳啟華亦屬師奶殺手一員，佢憑程至美成功俘虜女性觀眾嘅心，而佢呢個暖男醫生形象，令佢相隔15年後、即2013年演出《On Call 36小時II》時，有好多觀眾都recall番佢演程至美嘅記憶。
    提到吸觀眾，羅嘉良又點走得甩？佢初出道喺長篇劇《季節》中已備受注目，後來去到90年代演嘅《情濃大地》《天地男兒》更加係越嚟越多fans追捧，到最經典嘅《難兄難弟》、《創世紀》、《天地豪情》等更令觀眾翻煲再翻煲！早前播完嘅《與諜同謀》，雖然有網民話佢同以前有差別，但無損其師奶殺手之威力！
    empty
    （資料圖片）
    empty
    大宇喺《壹號皇庭》做師爺（劇照）
    empty
    Bobby（右）都有演過《壹號皇庭》（劇照）
    empty
    （《陀槍師姐》劇照）
    empty
    Bobby主演嘅《陀槍師姐》系列長拍長有（《陀槍師姐III》劇照）
    empty
    又同過張家輝等人演《金裝四大才子》，大放笑彈。（劇照）
    empty
    《洗冤錄》（電視畫面）
    empty
    陳豪踩入公仔箱，就係拍《妙手仁心II》，後來添食到《妙手III》都有佢份。（《妙手仁心III》劇照）
    empty
    《帝女花》中一句「同朕check吓」一度成為網民傳說中嘅金句。（劇照）
    empty
    《金枝慾孽》雖以女演員為主力，但陳豪等男角都好搶鏡。（劇照）
    empty
    講起吳啟華，一定會諗起《妙手仁心》嘅程至美。（電視畫面）
    empty
    （《妙手仁心II》劇照）
    empty
    吳啟華喺《On Call 36小時II》中都係做醫生（電視畫面）
    empty
    （《On Call 36小時II》劇照）
    empty
    羅嘉喺《難兄難弟》中演嘅李奇，深入民心。（劇照）
    empty
    《天地男兒》係羅嘉良（左二）代表作之一。（劇照）
    empty
    （《流金歲月》劇照）