向華強表示,中國星耗資數億開拍之大製作《3D封神榜》已開拍約兩個月左右,突然易角,換言之之前栢芝拍攝之場口或需悉數重拍,向華強自言未知會損失幾多:「未計,其實都放咗唔少時間同心機,時間又趕,又要搵啱人選,日日都幾百人開工,不過我唔care呢啲。」
至於頂替栢芝嘅人選,向華強原屬意內地男星文章:「其實演哪吒唔一定女角,原本係搵文章,但文章趕拍另一部劇集,開會嗰陣有人就講話搵女角反串都幾搞笑。坦白講,依家搵佢扮少女、女人,冇人睇0架喇。佢扮哪吒,有少少林青霞演東方不敗嘅feel,覺得呢個係佢嘅翻身機會,但佢唔識諗。所以或者會搵番文章,佢講義氣,義不容辭,仲古仔、黃曉明、梁家輝都義不容辭,好好。」