由韓國神劇《太陽的後裔》金牌編劇金恩淑執筆、李秉憲及金泰璃主演嘅tvN劇集《陽光先生》(Mr. Sunshine)，將於聽晚播出最新嘅第19集，而港劇迷可於周六、日晚10時30分透過Netflix追劇。

劇組今日公開最新預告，預告中，金義聖飾演嘅親日派大臣李完益為咗自己嘅利益，加深日本對朝鮮嘅侵略。而金泰璃一家受到日軍嘅監視，金泰璃爺爺就拜託李秉憲保護金泰璃，但金泰璃已決心繼續義兵嘅行動，用自己嘅力量拯救朝鮮，柳演錫、卞耀漢亦以自己嘅方法去保護金泰璃。至於李秉憲喺美國時認識嘅日文人森隆史(金南熙飾)，就以日軍身份去咗朝鮮，與李秉憲再見時，兩人勢不兩立，李秉憲更舉槍指住對方。

更多韓流，喺晒《娛果》
http://fb.com/appledailyent