李嘉欣今日身穿Tubedress喺中環出席服裝店剪綵，但見件衫有少少鬆。佢話本身做足安全措施防走光，仲笑謂自己係「打底王」，佢話：「都好專業0架！都有8塊鏡照，但偶有失手，最深印象有次喺上海出席活動，著條開叉嘅裙，已改良咗，釘好晒條裙，但預計唔到要上一級，有啲尷尬。」

嘉欣形容嘅「有啲尷尬」，就係當時露咗打底褲，佢話：「喺我字典算係，但喺人哋字典係『經營』。」平時老公返工，唔可以監察件衫有冇出事，而囝囝Jayden雖有主見，但唔知咩叫走光。放心啦，大個啲就知0架喇。

另外，問到劉鑾雄被判罪成，嘉欣話有看報道，但兩人沒聯絡。話題又講番去韓劇《來自星星的你》成熱潮，李嘉欣話自己都有煲呢套劇，播完就感失落，但唔想開始煲其他劇:「煲劇係艱辛嘅旅程，會有黑眼圈。」


爛片界盛事、由本報娛樂版舉辦嘅第九屆「金話梅電影選舉」（GoldenPlum）又嚟喇！請即click入網址投票，喺香港電影金像獎舉行之前選出爛片之霸！
↓↓↓
http://campaign.appledaily.com/goldenplum