韓劇《繼承者們》男星金宇彬成為男神後就一直大受廣告客戶歡迎，佢自去年開始就代言Domino薄餅，今年繼續冧莊有得拍，但女拍檔就由高雅娜變成依家主演新劇《Whoareyou-學校2015》嘅金素賢。

二人除咗同姓三分親外，金宇彬亦曾主演韓劇《學校》系列，所以同金素賢可說非常有緣，而二人拍攝廣告時亦有說有笑，更甜蜜合作擺出心心甫士。

其實呢個品牌過往曾找來秀智、金秀賢等紅星代言，可見金素賢嘅人氣亦開始得到肯定。