花哥袁志偉昨日於無綫新聞部員工大會上，指員工用「示威者被警員拖至暗角，拳打腳踢」並不恰當，更反問道：「警察行私刑，根據涂謹申嘅講法係要終身監禁。六個警員終身監禁嘅案件，嚴唔嚴重？指控嚴唔嚴重？我哋憑乜嘢，吓？話個警員將佢拖至暗角，拳打腳踢呀？你係個警察裡面心裡嗰條蟲呀？特登拖佢去暗角拳打腳踢呀？憑乜嘢呀？」（新聞連結： http://bit.ly/1nrJlnR　）

但無綫新聞部員工早於日前聯署之聲明中已清楚講明：「『拳打腳踢』這字眼並非不容置疑，是否最客觀用語，同儕間亦就同意見討論過。但我們的共識是，『拳打腳踢』並非失實陳述。」（聲明連結：　 http://on.fb.me/102XZHY　）

對於袁志偉昨日此番「你係個警察裡面心裡嗰條蟲呀？」之言論，雲海回應道:「若果用呢個角度，無綫不可稱六四有殺人、有人開槍、有人鎮壓啦！因為都未訪問死傷者及戒嚴部隊？！又不能稱香港已回歸啦！單從畫面只是升旗降旗，英軍撤走，解放軍入來，無線都無訪問當時人喎！我們只是疑似回歸，北京疑似屠城，背後有燈，不算屠，係行刑。」又謂：「叫無恥電視作新聞部好啲！大家快快聽，免被人cut!」

至於喬靖夫也謂：「根據『袁mode報道』，以後TVB體育記者報足球新聞，見到C朗兜腳踢咗個波入網，都只可以講『懷疑C朗射波入網』，因為我地又唔係C朗心裡面條蟲，點知佢其實係咪想傳波但誤踢入龍門，又或者對敵隊於心不忍本來想射出界，人人都係睇片判斷之嘛。」