張柏芝前晚飛車受傷而需留院治療，故她的工作亦直接受影響，柏芝會辭演今日開鏡的賀歲片《叻咕叻咕八隻花》，有傳該片會將柏芝的戲分，集中在另一女角梁詠琪身上，《叻》片導演杜琪峯昨日在電話中就說：「應該會換角嘅，但𠵱家重研究緊劇本，乜都未定，聽日開鏡就會決定到㗎啦。」
不過，向華強太太陳嵐昨日探望柏芝時，則向記者表示，如無意外，會起用應采兒代替柏芝，而曾往醫院的應彩兒則稱對此事未有所聞。
劉德華亦有份演《叻》片，對於張柏芝飛車受傷，未能為電影演出一事，華仔昨日說：「我今日（昨日）都有打電話畀向太，問柏芝嘅情況，如果合作唔到都唔緊要，最緊要個人冇事。」問到有傳柏芝的角色將由應采兒取代，華仔說：「換角呢啲嘢，都係由導演講番啦。」

延遲錄新碟
除了電影之外，柏芝原先預算在拍片期間，為下一張廣東碟進行錄音，但現時錄音工作亦要延遲，昨日曾往醫院探訪柏芝的環球唱片總裁陳小寶說：「柏芝已經揀好晒歌，諗住會開唱片嘅製作會同錄音，𠵱家要取消晒，但最緊要係佢嘅健康，等佢休息下先啦。」