Angelica喺日前去大台為港姐面試之後，因為其「間尺鼻」一夜成名，仲有唔少網民報料講有關佢嘅事。

其實Angelica其實一早係圈中人，不過只係人氣就……差咗少少之嘛！佢中文名叫何沛沂，暱稱叫AnJ，仲做過o靚模，喺2年前仲簽過畀一間叫信星亞太娛樂嘅經理人公司，佢最威水就係曾經有份同台灣男星黃鴻升拍電影《一屋二欺》，不過最後套戲因為資金問題停拍，而黃鴻升仲話被拖欠片酬。

講番「間尺鼻」Angelica，其實前年佢曾為本報拍攝水著照，當時她報稱三圍係32D、24、33，又謂：「我平時真係唔會做運動，因為怕熱又怕曬，真係為影相先會咁大犧牲去沙灘。」

當時Angelica仲分享其獨門嘅「珍珠奶茶豐胸法」，就係——「爸爸媽媽都好瘦，食極都唔肥，上圍豐滿可能因為讀書時已經好鍾意飲珍珠奶茶，差不多每日都飲。」

嗱嗱嗱嗱，睇住糖尿病呀吓！