【更新資料】

今晚（28日）谷草賽事乃季內最後一次用C加3欄作賽，度地儀指數2.71，場地掛牌為好地至快地。如天氣情況許可下，將按計劃在第4場後進行壓地。

睇番上季6月1日最後一次谷草C加3欄賽事，掛牌好地及度地儀指數2.71，當晚除了兩場1800米由居中後上馬勝出外，其餘頭馬均由前置馬建功，其中「非凡者」及「喜多屋」更一放到底。另外，一檔馬包辦半數頭馬交出四WIN，故此具前速之內檔馬要優先留意。

今戰列陣馬中，頭場「盛勢東方」上仗正是於谷草C加3欄搏失跑第二，等番同一移欄再跑，決心求補中。另外，第二場「心中有善」跑谷草C加3欄一次即勝，亦係全場唯一贏過此移欄之馬，用見習生黃皓楠，如放出可再贏。