當年今日

徐母發聲明否認拆散鴛鴦
子淇、天明未曾深愛已無情

蘋果日報 2002/01/06 00:00


徐子淇和洪天明的感情終於告一段落,根據最新一期《忽然1周》報道,二人分手原因是徐子淇媽咪不滿他們的學歷和背景有距離,以及不滿去年二月徐子淇跟洪天明到日本錄影無綫遊戲節目,徐子淇因天冷發生凸點事件,失禮人前。而徐子淇和洪天明昨日亦不約而同話兩人只是朋友,根本沒有拍過拖。
最新一期《忽然1周》報道,徐子淇和洪天明在兩個月前已分手,主要是徐子淇媽咪認為女兒和洪天明無論背景和學歷都有距離,以及徐子淇不滿洪天明緋聞不絕。

讚天明工作努力
徐子淇上月中從英國返港,洪天明未有往接機,而徐子淇又有新男伴Matthew陪同出閘。除夕夜活動中,《忽周》記者曾向徐子淇求證二人分手事件,當時她說:「話我哋分手都好,以後可以各行各路。」洪天明則向《忽周》記者說:「有時大家唔啱時間,唔啱地方,根本同佢(指徐子淇)唔啱玩。」
據知徐媽媽最不滿是去年二月,洪天明游說徐子淇結伴到日本為無綫《宇宙無敵獎門人》拍攝外景,因為天氣太凍,穿上兩件頭泳衣的徐子淇凍到凸點失禮人前,令徐媽媽對洪天明的印象更壞。《忽周》在報道中引述徐媽媽說:「我唔會對佢(指洪天明)有任何評價,我只係唔想佢同子淇經常拉埋一齊講,始終兩人分開會好啲。」
「對媽咪唔公平」
可是徐媽媽昨日卻向傳媒發出聲明,她除了否認自己有接受《忽周》記者訪問外,在聲明中亦讚洪天明心地善良、努力工作。徐媽媽表示,她和家人都尊重女兒的交友自由,她相信女兒的分辨能力,自己並不會干涉女兒的社交活動。
至於徐子淇昨日則在電話中說:「整件事其實對我傷害唔大,反而影響咗媽咪同天明,我媽咪都冇接受過乜嘢訪問,而且媽咪同天明嘅相熟程度未可以掀起罵戰,媽咪話咁樣對天明好唔公平。」
究竟徐子淇現在跟洪天明是甚麼關係,她說:「我哋係朋友,我哋從來冇講過拍拖,又點會分手,一直都係傳媒寫我哋拍拖之嘛!」

「覺得報道失實」
洪天明昨日在無綫電視城接受訪問,他說:「呢件事之後,我有同子淇通電話,佢有啲唔開心,我覺得子淇媽咪唔係圈中人,唔係個個媽咪都鍾意見報。我覺得報道失實,我當睇公仔書,咁樣講對子淇同家人都唔公平。我哋唔係拍拖,如果拍拖會公開。」
採訪、攝影:比華利、駱華齡