武肺肆虐，全港學校包括補習社被勒令停課，掀結業轉讓潮，十萬導師生計無依。千萬身價名師以外，不少地區補習社集託管、功課輔導、溫習等功能於一身，是基層家庭另類救贖，疫症當前卻慘淪人球，苦苦求助，換來教育局副局長蔡若蓮卸責：「你哋應該搵商經局。」政府不救，民間自救，成立不久的「教育中心聯盟」獲上千東主、導師響應，聯盟發起人蘇廸希、成員饒義興的補習社，原來各自在葵涌扎根逾十年。對手變盟友，抗擊政府無能。

「百業蕭條，各行各業都面對緊，但（補習社）係唯一私營行業，俾教育局勒令停課，無資助無支援，簡稱『謀殺』。」教育中心聯盟發起人兼發言人蘇廸希，在葵盛東商場開辦「高科技教育中心」16年，主打小學生功課輔導，停課至今大量學生退學，面對家長手停口停的苦衷，他無奈但體諒，早前忍痛將一名全職導師停職，另外20個兼職導師差不多全面停工，他也希望導師在疫情過後回歸，但復課遙遙無期，「我都叫佢有工就搵咗先。」

在葵涌另一端石籬商場開業10年的「英譽教育」，創辦人饒義興亦流失了一半學生，留下的大多是高年級中學生，他指部份同業情況更惡劣，「每一日6間、7間（補習社）放盤、轉手、轉讓。」「英譽」的導師現時繼續上班，在網上補習，「本身一個鐘頭嘅堂，我哋照拍返一個鐘頭（短片）」，設專線供學生問功課，再另外設專線接受家長查詢，「避免佢哋嚟補習社人流聚集，同事工作量大咗好多。」

《教育條例》規定同一天向20人，或同一時間向8人或以上授課的機構，必須註冊為學校，跟所有公私營中、小學或幼稚園一樣，補習社恆常受教育局監管。申請一紙牌照，要過五關斬六將，蘇廸希形容：「我諗教育牌係最難攞嘅牌之一。」饒義興解釋，申請學校註冊最少需半年，「半年唔可以招收學生，半年白交租，所有舖租、人工同其他資源要繼續畀。」

「喺基層社會我哋係不可或缺」

蘇廸希說，補習社跟零售、餐飲或服務業一樣，在疫情下受嚴重衝擊，但聲稱支援企業的300億元防疫抗疫基金，補習業卻不在受惠名單，教育局局長楊潤雄早前在財委會上開腔，明言有資源也優先支援「正規學校」。蘇廸希坦言很絕望，「（楊）係喺屍體度插多幾刀」，除了不忿被教育局「一腳伸開」，他更慨嘆同行被貶，「喺基層社會我哋係不可或缺，如果唔係家長全部抑鬱。」

所謂官僚，蘇廸希在會見教育局副局長蔡若蓮時，更有深刻體會，「櫈都未坐暖，佢（蔡）話：『其實你哋應該搵商經局喎！』」一眾東主費唇舌解釋開業成本何其高、疫情下苦況，再換來迎面冷水，「蔡副局話，政府派錢嗰袋係冇教育中心呢一瓣，以前都未做過，依家點幫呀？希望你哋明白呀。」東主們欲哭無淚，「唔只唔理你死活，連感覺都唔理。」

業界多年缺乏聯會代表助發聲

「好多網民講我哋輸打贏要，話咩年薪過千萬，無㗎啦，依家有幾個名師呢？」蘇廸希認為，公眾或對私營教育業存在不少誤解，過去業界一直沒有代表發聲，「聯會、協會、商會，乜都冇」，他並不甘心，「我哋係咪要逆來順受呢？接受被謀殺呢？點解政策出咗係累積怨氣，而唔係紓解民困呢？」他希望踏出第一步改變，發起成立聯盟、開記者會、請願遊行，未來繼續發聲爭取。

饒義興透露，當初收到蘇的電郵邀請，二話不說便加入，「even係competitor（對手），都係一個可敬嘅competitor」，他相信教育從業員有共同初衷，「大家都係教好小朋友，盡能力去做、去共存，有synergy（協同效應）㗎嘛。」他又擔心，一旦大量補習社不敵疫情倒閉，之後重新建立很困難，家長面臨失去託管小孩、輔導功課的幫手，「其實我哋個訴求好簡單，唔係要你（政府）畀一個好龐大資金我哋，（將補習社納入資助）係一份尊重。」補習業界周日（29日）將出席「補漏拾遺及時雨大遊行」，要求政府支援被遺漏的行業。

記者 周婷

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
【撐學生】
召集有心人 撐學生全年睇《蘋果》
立即按此