美孚新邨早於60年代末開售，城中不少名人都曾是美孚住客，包括有岑建勳、石天、麥嘉、盧海鵬等電影人；還有張文光、劉千石等前香港立法會議員，區內從事物業買賣30年的經紀指，當年住美孚「乃一種身份象徵」。

在美孚新邨迄立了約30年的東成物業顧問代理行，創辦人鄧美賢1988年入行，2年後，逾25歲的鄧氏便賺夠錢開舖做生意，第一間代理舖設於美孚新邨第7期商場，高峰時擁3間舖。

30年間，除了見證樓價起跌外，亦都體會了美孚街坊的溫情，鄧氏指「好有鄰里街坊feel，好多時落街出入，見到佢地打招呼，以前識落的顧客同街坊都好大年紀，好多舊一代業主，好和睦，住得美孚好多都好有文化，見到面都好有禮貌，鄰里之間有個好好的溫情。」

第一代業主多數是廠家居多，因此文化水平較高，大部分都是自住居多，部分是用作投資，或者給予高級職員住，「以前美孚係豪宅黎，你無咁上下的能力，基本上係買唔起，雖然當時開賣係幾萬蚊，但幾萬蚊已經係天文數字黎。」

正因為買入價是天文數字，所以對廠家來說有能力買便是一種身份象徵。

記者：葉煜燊

全球樓行 Dream House零距離
https://hk.feature.appledaily.com/overseasproperty