當年今日
關於我們

寵物花園:六死餘三為食貓魚樂無窮

蘋果日報 2006/02/26 00:00


Jenny同Alex屋企擺了缸風水金魚,一共九條代表長長久久。但係唔知幾時開始,缸內九條小金魚開始逐一離奇失蹤,噚日少一條、今日又少一條,環顧四周找不到小金魚的蹤影之餘就連屍體也無法尋獲,事件一度令Jenny同Alex百思不得其解……最後,謎底終於被揭開,小金魚人間蒸發的原因原來並非外星人所為,而是家中頑皮貓Nilric做的好事!佢趁主人不在家時落手就撈……嗱嗱嗱,如今只剩三條小魚避過牠的魔掌。

記者:黃藹瑩 
攝影:周旭文
empty
empty
最頑皮的最得寵
Jenny同Alex家中有十一隻貓、三隻狗、加一缸魚(原有九條)共二十五口,除了一缸金魚每日要過住生命受到威脅的日子外,一班貓狗相處至今都相安無事。
講到家中最霸道的貓,就一定非撈魚貓Nilric莫屬!不過這個世界就是不公平的,最頑皮最唔聽話的偏偏最得寵,就連Jenny也表示自己最錫Nilric,「佢個樣好得意,平日又好調皮走來走去,見到佢就會好開心,成班朋友嚟我屋企第一時間都要搵佢。」咪以為貓仔是儍的,Nilric都知道自己最多人錫,所以在家中肆無忌憚,經典之作當然是撈魚了。
empty
■藍藍雖然餵奶餵到瘦,但仍是母親最偉大,對頑皮仔Nilric無微不至仲幫仔仔沖涼,你睇Nilric幾冧!
empty
■好在Nilric都好識做,都算係一個孝順仔,同媽媽講聲:「ILoveyou!」
撈剩三條易保命
初時金魚離奇失蹤,Jenny同Alex都仲未知是Nilric幹的好事。直至有次親眼見到牠落手撈缸裏的魚,先知道佢就係金魚失蹤案的真兇!初時每次Nilric撈走了多少條金魚,Jenny都會再買回來填數;但現在她為了不再連累無辜的生命,已經沒有再買了。「我買一條佢就捉一條,激死我!」其實這還好,魚缸的位置多了,暫能保住小命的魚兒才有機會和有位置匿藏,現時Nilric想撈都變得相當有難度。Jenny同Alex更用一盆花擋住金魚缸,以免Nilric又再打小金魚的主意。
empty
■Nilric聞緊呢支GNC健康藥水本來是人飲的,但Jenny就用來餵貓仔,「入面含Omega3,貓仔飲咗毛色都會光澤啲。」
empty
■全家福,笑吓啦!可惜十一隻貓咁多實在好難控制,Sorry!
empty
愛狗轉性愛貓
「家中的三隻狗都不是自己買回來的,有兩隻(QQ同黑妹)都是我在街上執的。可能因為咁,佢哋都比較聽話唔會亂吠,連啲貓都會蝦佢哋。」但原來貓癡Jenny一開始竟是怕貓之人,「以前養開狗,後來搬到一個不準養狗的屋苑才轉養貓,點知就咁愛上貓。有時隻貓攞去配種,生出來覺得好得意,應承送畀人最後都唔捨得,所以貓愈來愈多。」
Jenny厲害到家中十一隻貓全部認得出,相反老公Alex就至今叫不出每一隻貓的名字,「有好幾隻貓成日匿埋,我又成日飛,真係唔易認。」兩夫婦同是航空公司的職員,經常要飛來飛去,Jenny說:「啲貓一見到我執行李就知我又有幾日唔喺屋企,佢哋就會圍住我,好似好唔捨得咁。不過都好,咁會令佢哋試多咗其他國家的狗餅!」
empty
■QQ是Alex的最愛,同佢影張相佢就立即擺Pose,重Hold咗好耐,你唔叫佢收工佢都唔肯郁。
empty
■黑妹跟QQ一樣喺街執返嚟,一樣咁熱情,不過Jenny話佢看門口的時候就好惡。
empty
■查查的來歷很搞笑,是因為Jenny以前有隻狗一時風流,搞大咗鄰居狗女個肚,查查就是其中一隻結晶品!
動靜皆宜
一屋十一隻貓其實有動有靜,好動一點的活動範圍主要是大廳和飯廳,另一班就是文靜的,主要活動範圍都在陽台旁邊,甚少出來。
好動貓

代表一:Michael
呢隻Michael認真大隻,好明顯就是過重的貓,Jenny話試過帶牠看獸醫時,護士居然說:「你隻狗很可愛!」Michael,請你收收身,如果唔係有人會認錯你是狗了。
empty
代表二:小黃
小黃天生一副懶樣子,各位有冇聯想到一位卡通人物呢?冇錯,就是加菲了,又係黃色又夠懶,十足十。
empty
代表三:藍藍
藍藍是Nilric同Jena的媽媽,是異國短毛貓,看真一點,牠的毛是藍色的,但可憐的牠原來不是這麼瘦的,只是仔仔Nilric飲奶太多,弄瘦了媽媽。
empty
代表四:Jena
=Jena是Nilric的妹妹,沒有哥哥那樣頑皮,還有點懶,最愛在客廳的梳化或者餐枱上睡覺。
empty
最強代表:Nilric
天生好動的Nilric好似從不覺累,採訪兩個小時牠就又跑又跳,認真佩服。而且看牠的身形,怎也看不出才是3個月大的Baby。
empty
愛靜貓

代表一:Mini妹
Mini妹反而唔似爸爸Michael般好客,最怕陌生人的牠幾乎一見攝影師舉機就跑,驚死俾人點相一樣,呢一樣好罕有。
empty
代表二:波子、豆豆、肥肥
呢三隻安哥拉白貓好怕醜,想影佢哋的活動照非常困難,一舉機就會Freeze,動也不動,好唔畀面喎!
empty
代表三:懵懵
都有名你叫「懵懵」,真係好似發緊夢咁,影佢相都唔識擺Pose做動作,呢個Pose,好似嚇儍咗咁!
empty
代表四:包包
包包一副好冷靜的模樣,好Cool咁,不動就不動。見到牠那雙鴛鴦眼總有一點懾人的氣勢,眾貓之中一定認得佢。
empty