胡諾言同太太陳琪今日帶同9歲囡囡胡芷苓喺紅磡出席活動。

胡諾言話間中都有客戶搵佢哋一家人出席，仲話若有機會唔介意一齊拍廣告，賺錢外又可以俾小朋友賺經驗。作為父母嘅胡仔同陳琪就話唔多想阿女入行，問到阿女自己嘅諗法，佢話：「唔想，如果出名會好多人跟住，我想做個好媽媽。」年紀輕輕嘅佢仲已經諗定生兩個。

最近胡諾言做懷舊音樂節目，多咗工作仲多咗Fans：「連埋屋企仔女都係，阿仔喺屋企見到我，但喺電視又見我，就好興奮叫。」暑假胡仔話準備一家人去名古屋旅行，不過囝囝太細，唔方便就唔會一齊同行。

精選娛聞，喺晒《娛果》
http://fb.com/appledailyent