艾威最近接受有線嘅《明星私相簿》訪問，公開咗幾張珍貴舊相，當中有幾張係同張兆輝、錢小豪、郭政鴻遊上海時嘅相片，當年佢哋喺內地拍劇，趁有時間約埋一齊去玩，佢話：「嗰時要喺內地拍成三個月，同啲助導夾好，特登唔編我哋有戲，偷偷去上海玩幾日，最難忘係喺酒店飲酒飲到太夜，大閘都落埋，我哋要爬牆走。」

艾威又分享同關海山嘅師徒情，拜師前佢哋成日約埋食飯飲酒，終有一日對方叫艾威斟茶拜師，艾威話：「艾威都係蝦叔（關海山）叫我改。」