阿仙奴今季再次掉進包括歐聯16強出局在內嘅無限loop，弊在而家連聯賽第4都唔知保唔保得住，下屆想loop都未必有得loop。不過，德國中場奧斯爾早前接受德國傳媒訪問時，就表明既然自己以染指歐聯為目標，點解唔可以喺阿仙奴達成咁話？

奧斯爾同阿仙奴嘅合約即將喺2018年夏天屆滿，但佢就話自己喺槍手過得好自在，好快會展開續約談判並作出決定咁話：「點解唔可以同阿仙奴一齊贏歐聯？」當然，我哋目前度過艱難日子，對聯賽第6位並唔滿意，但我相信我哋會好快趕上。」