韓國「OST女王」白智英2013年跟細9年嘅韓劇《屋塔房王世子》男星鄭錫元結婚，早前白智英演出節目《人生酒家》時，就公開當年人情畀得最多嘅藝人。

於噚日播出嘅節目中，白智英表示當年於結婚上畀得最多人情嘅藝人係「國民MC」劉在錫、徐長勳及男歌手安七炫。徐長勳跟白智英一向好老友，白智英表示：「我如果有辛苦嘅事情時，就會去搵長勳oppa，佢會令我覺得嚴重嘅事唔係咩特別嘅事情。」