小雪大幅加薪心情靚

蘋果日報 2002/06/17 08:00


小雪昨日往會展,出席「美容及健康減肥博覽2002」活動。今次小雪是以Freshup粉嫩透紅霜代言人身份到場,現場約有十多名fans支持小雪。心情勁靚的小雪說:「我同呢個產品再續咗一年約,廣告酬勞加咗百分之五十,所以我都好滿意。」

名筆贈後父
昨日為父親節,小雪表示她也買了禮物送給後父,她說:「我媽咪同爹哋好早就離咗婚,所以媽咪改嫁之後,我就跟後父一齊生活咗好長時間,後父對我好好,視如己出,所以父親節我就送咗一支卡地亞筆畀佢。見到媽咪再婚之後一樣咁開心,所以我對結婚唔會有陰影。」
此外,小雪透露早前返深圳登台時,有一名男子上台向她敬酒,幸而有保安代不知所措的她飲了那杯酒,替她解圍。