古天樂、苟芸慧及謝安琪（Kay）昨日在尖沙嘴出席護膚品牌慈善活動，苟姑娘不時以手袖遮掩腹部，看似有點孕味。苟姑娘接受訪問時被問到是否有開心事宣佈，她甜笑說：「每日都有開心事，但近排冇乜。」

至於孕味濃，苟姑娘表示因為上月病倒，吃了整個月抗生素，令身體發福：「如果真係有喜，一定會同大家分享。」苟姑娘透露將病菌傳染了老公陸漢洋，令他住院三天，可惜自己要到內地拍劇未能陪伴在側，不過自己病倒時，老公就有貼心親手餵她進食。

昨日是「520」，苟姑娘透露陸漢洋一早在網上留下一堆愛的密碼送給她：「今朝我用咗張噴咗我香水味道嘅信紙，寫咗啲嘢送畀老公，今晚再返去煮嘢佢食。」提到上次疑似露暈一事，她表示今日服飾非常安全，她說：「上次返去睇相應該係陰影，不過以後都會小心。」

古仔吊足一日威吔

古仔透露Kay向他自薦拍戲，古仔覺得值得考慮，最近他跟Kay的老公張繼聰拍戲，古仔表示拍攝順利，已經拍好了三分一戲份，但仍有大量打鬥戲份，他笑指男男女女都要打：「有一日同佢另一半（張繼聰）吊咗成日威吔，辛苦到落咗地都要單腳企。」古仔活動後，又要飛返貴州繼續拍攝。
採訪：馬建華
攝影：沈健程