細價樓爆煲之父湯文亮,近日收到年輕朋友下戰書,指樓價一年內不會跌兩成,湯文亮更直言「林一鳴都唔敢話贏,其實,即使我認輸,大家都知道我是贏了。」
facebook原文︰
有年輕朋友撩我輸賭,在未來一年樓價指數不會下跌20%,我唔明白點解要搵我,本來我唔想回應,不過,見到他盛意拳拳,但似乎不甚了解賭的意思,所以,我作出小小解釋,既然是年輕朋友出盤口,自不然是他做莊,他出盤口我做莊,我肯接受,其他人都會話我蠢,我自小學賭但從來不賭,我的「細價樓爆煲論」盤口是我自己開出,我又認輸,沒有人話贏我,林一鳴都唔敢話贏,其實,即使我認輸,大家都知道我是贏了。
年輕朋友以一年內下跌20%為界,如果下跌19%都算我輸,似乎勝之不武,應該是他自己開樓價一年內不會下跌20%的盤口,少於20%是他贏,叫佢攞出街,睇吓有冇人同佢賭,這並不是賭,是搵笨,我平時唔睇數據,今次不得不睇,在過去二三十年,有幾多年是每年上升或者下跌超過20%,唔係冇,是很少,所以,應該沒有人肯接受一年內樓價下跌超過20%的盤口,點解一定要我接受,很奇怪。
現在樓價由政府嚴密監控,要上升當然不容易,要大跌也很難,財爺與陳德霖一再表示,當確認樓市下跌,政府是會調整一些措施,我認為最大機會是放寬按揭,當樓價下跌一成之後,政府有機會放寬按揭,不但使下跌速度減慢,甚至可能微升,樓價要跌20%都很艱難,莫講話一年內跌20%,所以,這個盤口是沒有意思,其實,什麼盤口對我都沒有意思,因為我唔賭,我只做分析,不過,年輕朋友有不同意見,他認為我唔敢賭,既然在「細價樓爆煲論」認輸,輸多一次又何妨,他們不明白,我的爆煲論只是提醒上車年輕人,在財力不足情況下千祈不要勉強上車,否則,當形勢逆轉,他們將會受到很大困擾,我目的已達,唔會再賭一次,無謂畫蛇添足。
掌握財經生活資訊,即Like「蘋果ATM」fb專頁啦!
http://fb.com/appledailyatm