57歲毛舜筠喺95年嫁咗俾大佢14年嘅導演區丁平，仲生咗兩個囡囡令山同亦山，婚姻生活一齊美滿。見兩個囡囡開始大個女，毛姐就間中幫大台拍吓處境劇，之前佢拍完《八時入席》後，就決定休息吓，享受人生。

日前毛姐就去咗加拿大，參加21歲大女令山嘅畢業禮，然後就同囡囡去旅行，兩母女食吓玩吓不知幾開心。(新聞連結： http://bit.ly/2rNVKJd )

毛姐啱啱就貼咗佢哋一家四口嘅相，留言話：「在多倫多團聚了。」

相中毛姐、老公同兩個囡囡都露齒笑流露幸福笑容，而毛姐十年如一日個樣，同囡囡似兩姊妹多過兩母女。