當年今日
關於我們

【監製趙增熹好忙】鄺美雲話發燒碟要延至九月推出

蘋果日報 2017/06/16 22:17

鄺美雲發燒碟香港義工聯盟

鄺美雲(Cally)今晚喺尖沙嘴香港麗思卡爾酒店出席「香港義工聯盟籌款晚宴」,同場仲有林奕匡、葉振棠,同埋特首梁振英。Cally台上仲大開金口,同一班義工唱主題曲《用生命影響生命》。
Cally話:「早前已經幫呢個組織出席一個啟動禮,今晚出席呢個籌款宴,其實呢個組織成立短短幾年,已經有二百幾萬人受惠,幫到好多弱勢社群同獨居老人。」今晚晚宴仲有個慈善拍賣環節,Cally拎咗4樣物品出來拍賣,佢話:「攞咗幾幅字畫,當中包括星雲大師提嘅字,共有4樣嘢,希望最少收百五萬以上。」
另外,Cally之前講到話會推出發燒碟,問佢o依家嘅進度:「本來8月出,o依家要9月先可以出,封套已經影相,差少少歌未錄晒,呢排監製趙增熹都好忙,搞好多回歸活動,所以下個月先可以錄晒剩餘嘅歌。」
empty
Cally話發燒碟原本八月推出,但因為監製好忙要延至九日先見街。