張柏芝前晚為無綫《慈善星輝仁濟夜》錄影飛車片段時，不慎受傷，柏芝好友謝霆鋒第一時間趕往醫院慰問，但身為柏芝前度男友的陳曉東（東東），至昨日傍晚為止，仍未見到醫院探望，就連花籃也沒有一個。

張柏芝前晚為無綫《慈善星輝仁濟夜》錄影「炮彈戰車衝天飛」環節時，不慎撞傷，導致尾龍骨爆裂，現時在浸會醫院留醫。柏芝前晚入院後，其好友謝霆鋒第一時間趕往醫院探望，反而柏芝前度男友陳曉東，則以怕造成混亂為理由，未有到醫院慰問柏芝。

東東致電慰問
陳曉東（東東）前晚到紅館欣賞梁詠琪的演唱會後，昨日下午又以聯合國兒童基金會大使身分，出席九龍灣展貿中心舉行的「聯合國兒童基金會青年領袖計劃」活動。記者問他可知道柏芝受傷入院，東東說：「其實我噚晚睇GiGi（梁詠琪）演唱會，睇到中途時，已經有記者搵我。」

「噚日有諗過去」
東東表示，他前晚十時許，在柏芝剛轉院時，已致電慰問柏芝，東東說：「我都幾擔心㗎，我有打畀佢，同佢通過電話，但聽佢嘅語氣，情況應該都幾好，好清醒，柏芝重講笑話要打麻雀添，希望佢快啲好番啦！」
未知東東會否親到醫院探望？東東未有正面回覆，只說：「其實我噚日有諗過去，但我怕去到醫院造成混亂，所以冇去到。」幾時會去醫院，他說：「唔講，總之適當時做適當嘅嘢，希望佢盡快康復，佢噚晚都係做善事，佢咁堅強，吉人自有天相嘅！」

霆鋒神色凝重
身為柏芝好友的謝霆鋒，儘管近日忙為新片《戀愛行星》開工，但前晚十一時許，仍抽空趕到醫院慰問柏芝。
霆鋒在醫院逗留了一個多小時便離開，記者見霆鋒離開時神色頗為凝重。而日前和柏芝傳過緋聞的陳小春，現正在上海拍劇，他昨日在電話中說：「我都知道，我相信佢冇事，好人有好報，吉人自有天相。」
採訪：梁詠怡、卓美娟
攝影：梁詠怡、黃文偉