韓國神劇《太陽的後裔》嘅宋仲基同宋慧喬去年10月31號舉行世紀婚禮，當時喬妹就邀請好友玉珠鉉為佢嘅婚禮唱祝歌。

而喬妹同玉珠鉉已認識超過20年，兩人情同姊妹，不時相約見面。好似噚日玉珠鉉舉行演唱會，喬妹即去捧場，同行友人仲公開與喬妹及玉珠鉉嘅合照。之前宋仲基曾經孖喬妹睇玉珠鉉嘅演出，今次唔見宋仲基，唔知喬妹係唔係撇甩老公自己睇騷呢？

另外，根據韓媒報道，「限韓令」似乎有望解封，即將於下月15號至22號喺北京舉行嘅「第八屆北京國際電影節」將會有四部韓片獲邀參展，當中包括延尚昊執導嘅《屍殺前傳：首爾站》、洪尚秀導演嘅《之後》和《克雷爾的相機》、柳承元執導、宋仲基、蘇志燮、黃政民等主演嘅《軍艦島》，《軍艦島》片商透露上周收到有關方面邀請，柳承元現正考慮是否親自出席電影節。

更多韓流，喺晒《娛果》
http://fb.com/appledailyent