今季首次快活谷夜賽（5日），用B欄轉C彎跑道舉行，報名仍疏落，沒有場次出馬滿額，但形勢卻緊湊，馬匹實力及狀態水準都好平均，取捨有難度。開鑼日（2日）蔡、賀兩廐無馬報名，丁冠豪初試啼聲即贏兩場，今次夜賽各自出馬兩匹，貴精不貴多，都具爭勝機會。

第七場三班1650米「琴心星」在同程已展現走勢，負於「勇敢傳說」，但壓倒「銀豐神駒」、「放眼量」及「雷公鑿」等路程好手，實力不用懷疑。上季尾在1800米熱倒，賽後驗出心律不正，希望影響不大。

今季很早投入備戰，應是部署出擊之先頭部隊，埋門潘頓試閘，末段移出望空加速竄上，有廐侶「跳出香港」上季贏馬前試閘之影子，締造時間較上組「川河尊駒」快好多。今次跑番1650米，應該最合腳法，因來港前兩勝一哩。方嘉柏開鑼日成績平常，返快活谷主場，會更有把握。

「鋒芒畢露」做足工夫而來，是苗廐季初搶攻之籌碼，試閘有前有後，埋門快跳墜手有暗火，狀態起很更好。跟黃俊合拍，跑法機動易發揮，重戴眼罩，正是以往贏馬配件，是三甲之材。

「萬事醒」未因上季勤跑有影響，復課一操即起，試閘後拍跳更墜手，雖然排外檔，但夠快切入守好位，配黃皓楠三戰均上名，人馬合拍，也是爭勝要角。

冷馬喜歡「快樂生活」，今季受操健康好轉，試閘刻意按住落後跟跑，示人以弱，埋門快跳韁口穩定，走來不急不躁。同程一戰即取勝，用梁家俊可盡情發揮後勁。

「雷公鑿」嘉年華閘追入一席，出戰首本路程，可兼顧做腳。「金龍神駒」外觀討好，但操練未夠，跑一哩路短當熱身。