當年今日

【圖輯】同《衝上II》鬥黃翠如擔大旗嗌驚

蘋果日報 2013/07/13 06:00


《師父.明白了》將緊接《熟男有惑》喺八點半時段播出,跟《衝上雲宵II》同係周一(15號)首播,但牌面就強弱懸殊喇。

今日一班演員喺尖沙咀舉行「『緣』來明白了」活動宣傳,黃浩然反而有信心,佢話:「可能頭段會輸蝕,始終個卡士唔同,如果觀眾肯去睇係好睇,好簡單,唔需要耐性,教人好淺嘅道理,就係唔好執着。另外,樂曈、張國強都喺網上發功,叫人留意(套劇)。」

雖然主角黃浩然話唔擔心收視,但擔大旗揹重飛嘅黃翠如就好緊張自己表現,佢話:「我係驚,我唔想影響成個戲,希望大家睇《衝上雲宵II》,都可以睇埋我哋,我自己都想睇,希望佢哋套戲都可以帶起埋我哋。」