今日九龍灣證券行內人頭湧湧，可以話係記者今年多次訪問中最旺場，散戶刺激地討論買賣策略，話題板塊離不開內銀股及平保(2318)等中資金融股、電動車股以及航運股。

散戶林生表示今日個市都係假彈，氹你落搭。不過他對後市仍樂觀，認為「五窮六絕」未必出現，大市或於20000-22000點左右橫行，如果數據唔理想，或者會踩低少少。

投資策略上，林生亦是「好息」一族，不過就唔吼內銀及大藍籌，因經濟前景麻麻，藍籌唔會好得去邊，內銀股近年增長又慢。最近主要買新福港(1447)以及紅星美凱龍(1528)等績優又肯派息的公司，認為肯派息即是公司生意好，但他又未必等派息，如果除淨前股價夾一夾上去都會食糊先。

至於創業板新股，林生都話唔好買，升幅可以七八九倍，不過跌幅都可以好大，「自己同自己玩，唔恨得咁多架喇，年紀大輸唔起。」

掌握財經生活資訊，即Like「蘋果ATM」fb專頁啦！
http://fb.com/appledailyatm