「佢可能唔係最好嘅人，但我覺得佢係最適合嘅人。」去年特首選舉，香港經貿商會會長兼工業界（二）選委的李秀恆，出任林鄭月娥競選辦主席團成員，也有份提名對方出選特首。他認為林鄭當選後，社會撕裂的氣氛漸趨緩和，但執政成效仍拭目以待，「如果出唔到一啲好政策，亦落實唔到，人哋都會背棄佢，覺得佢做唔到嘢」。

記者 王家文

林鄭月娥多年的公務員經驗、熟悉政府運作，是李秀恆投票給她的原因之一。當選特首一年，他認為林鄭較從前老練成熟，「初初選舉時係有啲甩漏，但覺得佢各方面好有進步，可以叫四個字：不卑不亢」。施政親力親為也沒令他失望，不懂的地方就虛心學習，如善用網上平台等，「包括以前唔識用八達通，咁佢而家都識用啦」。

李秀恆不是一味唱好。林鄭月娥首份施政報告提出多項政策，涉及房屋、教育、創科及勞福等範疇，「施政報告我係收貨，但點樣具體執行、落實？係有啲緩慢，有好多嘢出嚟，但未落實」。上月公佈的財政預算案，他也質疑，「點解要鼓勵人去海洋公園呢？」亦認為政府有豐厚盈餘，應向全民派錢，「派少少畀市民都唔係壞事」。

林鄭月娥當選後稱首要團結社會，改善行政立法關係。「上一任特首（梁振英）走到邊都畀人圍攻，無論講嘅嘢啱定錯，去到邊都被拆台，係唔理性嘅政治局面，對人不對事」，李秀恆認為，這一年社會氣氛回歸務實，不太政治化，最近3.11補選可見，民主派和建制派在選舉中得票率由以往六四比，拉近至五五比，「社會氣氛係緩和咗」。

但李秀恆認為，林鄭上任特首後，需面對的不是民主派，「係面對自己團隊」。他指現時政府架構過於臃腫，「太過墨守成規，阻慢咗經濟發展」；新一屆政府需改革公務員「唔做唔錯」的心態，大刀闊斧推行創新政策，「相信係佢心裏面而家要面對嘅問題」。

對於林鄭月娥上任後的整體表現，李秀恆給予80分，「比我想像中好」。回望一年，他認為在當前政治局勢下，林鄭雖非最好人選，也是最合適的一個，但未來需視乎她的執政成效，若未能交出政績，「人哋都會背棄佢，覺得佢做唔到嘢」。

《蘋果》沙士15周年系列網站，正式登場：
https://hk.feature.appledaily.com/sars15