當年今日
關於我們

【睇通睇透】與翩翩來源相同 主帥壓陣好穩陣(魯賓遜)

蘋果日報 2018/12/11 21:06

睇通睇透醉翁意莫雷拉蔡約翰魯賓遜

由上次(9日)沙田日賽開始,莫雷拉正式出任蔡廐主帥,並憑「翠龍」及「精算風暴」起孖。
他今季在港累積上陣18次,取得五冠一亞一季,勝出率高達28%。明晚(12日)谷草夜賽,雷神有六匹座騎。其中,第四場蔡廐「醉翁意」質新進步,開齋可期。
第四場四班1200米,三歲澳洲自購新馬「醉翁意」,與廐侶「翩翩」及「精算風暴」同貨源,周歲時由名牌馬販John Foote購入,而牠們同樣來港前未曾試閘,但在外地已經做過彈閘、試跑等前期訓練,確保成熟足夠才運港服役,而且質素亦有保證,平均有三班賽左右水平。
「醉翁意」上仗在港初出跑同程,但賽前卻未曾試過谷草閘,備戰未算積極,加上當時臨場落大雨,競賽環境惡劣,而牠亦只輸三個半馬位,走勢其實唔差。
相隔三周再跑谷草,今次賽前一周獲安排試大閘考驗,備戰程序及部署如上周贏馬的廐侶「金匯昇」,強配主帥莫雷拉,有力打開服役勝利之門。