無可否認，蘋果電腦的確畀到人一種接近神聖嘅形象，Mac友固之然誓死效忠，近年就連PC友都陸續開始投入Mac嘅世界。成功擴大MarketShare，最關鍵都係蘋果電腦改變咗市場方針；由PowerMacG3開始引入PC架構，到推出平價版iMac/iBook，甚至正式踩入MP3機界，都在在顯示出蘋果電腦那種放下身段、以抵玩取勝嘅出路，而且仍有PowerMacG5、PowerBookG4穩守高階市場，唔怕搞Cheap公司形象，上下夾擊絕對係最成功嘅一着。採訪同事最後只能撲到2部iPodShuffle回港，一部自用，另一部居然送畀筆者作生日禮物！最感激並非數百元嘅價值，而係得到嗰種人人爭住睇爭住玩嘅虛榮感，幾乎想掛喺心口漫步金鐘地鐵站！雖然筆者能滿足虛榮心，但苦了公幹同事，被人投以怨恨目光，幸好香港蘋果電腦昨天宣布，iPodShuffle將於1月29日推出行貨，512MB售價$780，有心者都只係玩遲10日啫。

記者：徐影龍
＊明天續談iPodShuffle無芒概念及試玩報告。

《吹吹IT風》以討論及分析熱門IT話題為主，由電腦、數碼相機、手機、AV產品到TVGames，都屬討論範圍，歡迎讀者提出改善建議、討論話題、疑難雜症，谷氣投訴甚至自薦發表文章都得，總之大家多多交流。
[email protected]