韓劇《感激時代》男星金賢重大前年被指控涉暴打前女友A小姐，跟A小姐嘅官司擾攘多年，早前A小姐被判詐騙罪成判罰款。

而金賢重事隔四年再拍攝嘅新劇《時間停止時》聽日首播，今日佢就現身發佈會。而一眾粉絲未有因為金賢重捲入醜聞而離棄佢，反而繼續支持Oppa，喺發佈會舉行前，現場已放置了來自世界各地送贈嘅花藍，賀金賢重新劇開播。

金賢重咁耐冇現身見傳媒，佢今日一出場即好識做，狂派心心，大冧傳媒。金賢重喺現場就話呢四年間發生咗唔少惹人爭議嘅事，但佢會以好嘅演技同音樂來報答大家，同時佢亦有透露現時仍未可以見親生兒子，但佢本人亦唔想多談，免得為小朋友帶來傷害。

更多韓流，喺晒《娛果》
http://fb.com/appledailyent