改編自日本人氣漫畫嘅日劇《死亡筆記》，開播以嚟一直被彈到飛起，俾人話同電影版冇得揮，加上大幅改動原著，令原著粉絲嬲爆。而劇中彌海砂一角由水着女佐野雛子扮演更加成為箭靶。今日佐野喺東京汐留出席宣傳活動，佢着住Tubetop同短裙又唱又跳，但係訪問時，佢話劇中一個被縛住監禁嘅鏡頭拍足4、5個鐘，拍到佢好想死。

由於佐野被指面部脹爆兼演技差，原本觀眾已經唔多老嚟，而佢被縛個鏡頭已經成為萬能key，惡搞將佢放遂太空、抬出場等等，但佐野話自己拍到想死，網民更加扯火，有網民留言話：「咁就話想死，一啲都唔專業，咁你日日都會想死！」仲有人話：「我見到你演呢個角色，我仲想死呀！」寸爆佐野。