劉德華今年一月喺泰國拍廣告墮馬受傷(新聞連結： http://bit.ly/2iDM6Wu )，盆骨骨折、拉傷筋腱肌肉，不過華仔一向意志力強，佢勤於做物理治療，康復進度比預期快，出入以拐杖行路。

今日有周刊指華仔最近忽然暴瘦、出現聲沙，有傳華仔同太太朱麗倩秘密去咗尼泊爾四眼天神廟求神保佑，著名嘅Swayambhunath相傳係尼泊爾最古老嘅佛教寺廟，又有猴廟、有四眼天神廟之稱，而華仔亦入紙申請出年年尾紅館開騷，暫時決定開廿場，報道又指華仔去嘅四眼天神廟代表「智慧」，以前華仔同太太會由地下行3百級樓梯上去，不過華仔o依家仲未康復緊，所以坐車由山路上去。