【新增動新聞】
阿仙奴之前喺歐聯16強兩回合都以1:5輸俾拜仁慕尼黑，總計俾對方以10:2淘汰出局，點知喺星期六嘅英超比賽佢哋作客都以1:3輸俾西布朗，而且失第三球仲好似投晒降咁完全冇防守。睇番電視畫面，西布朗嘅奇治戴臣下半場接應角球頂入第三嘅時候，唔計守門員奧斯賓拿阿仙奴後防有九個球員喺度，但個個都只係齋企喺度睇波，唔怪得有網民話真係一張圖勝過千言萬語啦！