當年今日
關於我們

【喺亞視做唔到】拍住葉家寶開咪 黃守東做主持互爆秘密

蘋果日報 2018/09/24 14:05

關公與你面包台黃守東亞視葉家寶

葉家寶同前亞視公關黃守東,仲有劉晨芝噚晚喺觀塘為面包台節目巡禮介紹新節目,家寶和阿東繼今年合作出書後,兩人又合作新節目《關公與你》,家寶話:「節目内容係關於公關,我哋又發展緊公關公司,希望節目請唔同嘉賓分享做公關竅妙,亦會爆內幕。」家寶話會搵亞姐老友,講啲之前唔能夠講秘密,嘉賓方面希望搵黎燕珊、朱慧珊、羅霖等人,但要睇檔期。
阿東同家寶拍住上進軍幕前,佢話:「完成咗我哋心願,喺亞視嗰陣我已經叫家寶粉墨登場做主持,好開心有機會畀我哋做節目,試唔同嘢。」家寶仲話想捧阿東做網紅,兩人可以互爆對方秘密。
兩男講到關係非淺,又經常孖住現身,有種HeHe感覺,阿東話:「唔會,家寶係我嘅老師同老細,我哋係黃金拍檔,我之前喺亞視時都講過,如果結婚要請佢做主婚人。」
另外劉晨芝在面包台有個節目叫《十二道芝味》,個名就似足謝霆鋒個飲食節目,但內容人物當然差好遠,不過大前題都係烹飪煮食,劉晨芝話:「會教大家煮經濟又靚菜式,每集請唔同嘉賓,好友莊思敏、袁嘉敏等都有上節目。」劉晨芝自言煮得一手好菜,又鍾意同朋友分享,今次節目都不乏性感,佢笑住話:「其實本來我唔性感,但啲朋友就話想睇我性感煮嘢食,咁我做番自己,着番自己平時啲衫。」 又話以前都好多時親自下廚綁住男友心,佢話:「我都覺得煮食好重要,呢個節目都教大家煮嘢食嚟溝仔溝女,例如煮啲貴食材菜式,出街食好貴,屋企煮就貼地又好食,但依家感情仲係空白一片,好驚,希望快啲搵到男友。」
精選娛聞,喺晒《娛果》
http://fb.com/appledailyent
empty
黃守東喺亞視時已經想說服葉家寶開節目,依家終於可以實現夢想。
empty
劉晨芝個飲食節目同謝霆鋒嘅《十二道峰味》好似,佢話大前題都係烹飪煮食。