即月期指稍作整固後終突破21000關，昨日高開58點後，早段曾倒跌17點，早市徘徊20800水平，午後隨A股勁升，以接近全日高位收報21123，升342點，高水105點。
期指日線圖周一以大陰燭穿頭破腳回落，有短期見頂味道，吸引包括六奇在內的炒友短線造淡，但昨日以陽燭強勢升破250日線（20999），開始回補去年8月5日的下跌裂口（介乎20944至21645）。小時圖RSI頂背馳已突破，主要平均線再呈向好排列，好友已發動新一輪攻勢，只要守穩250日線之上，有力挑戰21645，回補裂口。昨日午後急挾破位，偷雞造淡者必然落慌而逃，之前講過，逆市博淡要有兩手準備，見勢色唔妥要識離場，周一在21000水平建立的淡倉，昨已觸及20900止賺，穩袋約100點利潤。
吳六奇